Arte2D: Arrisku murrizketa

Orrialde honetan hausnarketara bultzatu nahi zaitugu. Arriskuei buruzko informazioa emanez erabaki arduratsuak hartzera bideratuz.

ARRISKUAK SAIHESTEA ZURE ESKU DAGO

Arrisku gehiago, plazer gutxiago.

Kontuan izan alkohol gehiegi edanda ligatzen baduzu arriskuak igo daitezkeela, eta gozamena, berriz, jaitsi. Gauean zenbaitetan desira faltsuak eragindako zenbait egoera suertatzen dira; askotan horietaz damutu egiten gara ondoren: jarrera arriskutsuak (preserbatiborik ez erabiltzea…). Alkoholak ez dio sexu harremanari mesede egiten, mutilaren erekzioa kaltetu dezake eta emakumearen sentikortasuna murriztu. Shakespearek esan bezala “desira probokatzen du baina gauzatzea zapuzten du”.

PENTSATU KONTSUMITU AURRETIK

Ez zaitez nabarmena izan

Hiri Segurtasun Legearen bitartez, zigortuta dago gune publikoetan sustantzia ilegalak kontsumitu eta edukitzea. Beraz, eduki ezazu hau kontuan, argazkiak internetera igo edo jendaurrean kontsumitu aurretik. Espero ez duzun norbaitek ikus zaitzake eta eragin kaltegarriak ekar diezazkizuke: zure lana galtzea, etiketatua izatea, isuna jasotzea,...

Kontsumitzen dugunean ez gara guztiz konturatzen bidaltzen dugun irudiaz; pentsatzen dugunaren eta jendeak ikusten duenaren artean alde handia dago.

Zer gertatu ahal zaigu (dakiguke) gune publikoan sustantzia ilegalak kontsumitzen aurkitzen bagaituzte?

Egoera horren aurrean, 300 eta 60.000€ arteko isuna jaso dezakegu, gainean daramagun kopuruaren eta larritasunaren arabera (larria edo oso larria). Gainera, arau-hauste hauen bidez, gidabaimena hiru hilabetez kendu, armen baimena kendu edo baliogabetu, eta aurkitutako sustantzien konfiskatu ahal dizkigute.

Kontsumitu behar baduzu: informa zaitez!

Drogen kontsumoak hainbat arrisku dakartza: batetik substantzia bera, eta bestetik berarekin lotutako zenbait arrisku. Zeri aurre egiten diozun jakiteak egoera txarrak aurreikusten lagunduko dizu.

Kontsumitzea erabaki baduzu, kontuan izan:

Kontsumitu behar duzun sustantziak sor ditzaken eraginez informa zaitez, eta prebentzioa kontuan izan.
Kontsumitzekotan, hurbileko edo konfiantzazko jendearekin zaudenean egin ezazu. Garrantzitsua da pertsona batek behintzat ez kontsumitzea, zernahi gertatzen bada ere..
Kontsumitu aurretik kontuan izan zure egoera.
Sustantzia ezberdinak nahasteak eragin kaltegarriak areagotu ditzake.

ZURE DA ERABAKIA

Kannabisa kontsumitzen dugunean, arriskua arina dela uste izaten dugu, eta hori benetan arriskutsua da. Kannabisa droga bat da, ezin dugu ahaztu. Beste sustantziekin batera, desiratutako efektu batzuk badaude, horregatik kontsumitzen dugu, baina desiratzen ez diren beste efektu batzuk ere badaude, eta arrisku horien pean geratzen gara:

Segituan agertzen diren eraginak (dosiaren, kannabis motaren, aldartearen eta gogoaren arabera):

Dosi baxuetan:

Ongizatea
Euforia
Barre erraza
Lotsa galtzea
Hitz-jarioa
Pertzepzio sentsorial eta tenporalean aldaketak
Begi gorriak eta aho lehorra
Erreflexuak jaisten dira, motelagoak bihurtuz
Koordinazio zailtasunak (gidatzeko, adibidez, eta prozesu mental konplexuetarako)

Horren atzetik, hauek agertzen dira

Gosea
Depresioa
Logalea

Dosi altuetan, honako hauek gerta daitezke:

Nahastea
Letargia
Errealitatearen pertzepzio asaldatua
Zenbaitetan: antsietatea eta paniko egoerak

Arriskuak:

Oraindik oso eztabaidatua den sindromea azpimarratzen da: motibazio eza.
Nortasuna hondatzen da, ondorioz jokaera psikosoziala ahuldu egiten da, eta sarritan kontzentrazio eta memorizazio gaitasunak murriztu egiten dira.
Birikei begira kea kaltegarriagoa da tabakoarena baino
Baginak fluxua galtzen du, gure gorputzak hormona gutxiago sortzen ditu eta espermaren ekoizpenak ere beherantz egiten du
Erreprodukzio eta immunologia sisteman gorabeherak egon daitezke
Arriskua duten pertsonengan, kannabisak psikosia eta delirio-haluzinazio egoerak sor ditzake.
Gaindosi aukera gutxi daude
Alkoholaren eragina eta nerbio sistema zentralaren beste depresore batzuen eragina areagotzen du

Menpekotasuna eta tolerantzia:

Kannabisaren eratorriek menpekotasuna sortarazten dute, eta droga bat-batean utziz gero, dagokion abstinentzi sindromea agertzen da.
Tolerantzia, noizbehinkako erabilera batekin ere agertzen da; zenbat eta gehiago erre, orduan eta eragin txikiagoa izango du. Gero eta dosi altuagoa behar izango da aurretik kopuru gutxiagorekin lortzen ziren efektuetara iristeko. Dosia handituta, beraz, arriskuek ere gorantz egingo dute.

Abstinentzia sindromea: